Carlos, Loli, Pili, Braulio, Sonia, Tatá... Os Bolechas son desde a a súa creación hai xa máis de dez anos uns dos personaxes máis queridos e seguidos polos máis pequenos da casa en Galicia.

Creados no ano 2000 polo debuxante e ilustrador Pepe Carreiro, Os Bolechas teñen axudado a achegarlles a rapazas e rapaces un feixe de contidos.

Dun xeito didáctico e con simpáticos debuxos, Os Bolechas ensínannos desta volta como ser máis eficientes no uso da auga. No arquivo adxunto a Confederación Hidrográfica do Miño-Sil proporciona para a súa descarga un conxunto de "Consellos para aforrar auga", protagonizados polos nosos animados amigos e atractivamente ilustrados a toda cor para os pequenos da casa.